ՀՀ վարչապետ Նիկոլ Փաշինյանը ֆեյսբուքյան ուղիղ եթերում այսօր բոլոր տղամարդկանց կոչ արեց գնալ զինկոմիսարիատներ և զինվորագրվել հայրենիքի պաշտպանության գործին:
«Այսօր պետք է զինկոմիսարիատների առաջ տեղ չլինի, հերթեր պիտք է գոյացած լինեն՝ դիմակներով: Հերթեր պետք է լինեն, ընդ որում, 24 ժամ: Մարդիկ պետք է գնան մարտական պատրաստություն անցնելու եւ պետք է պատրաստ լինեն պաշտպանության բանակի հրամանատարի ցանկացած հրաման կատարելուն»,- ասաց վարչապետը եւ ընդգծեց, որ այսօր մեր ժողովրդի ճակատագիրն է որոշվում եւ չկա ճակատագրի լուծման ավելի լավ տարբերակ, քան ճակատագրի ղեկը սեփական ձեռքը վերցնելը:
Վարչապետը Փաշինյանը որպես ՀՀ ԶՈՒ գերագույն գլխավոր հրամանատար, պահանջեց, որ ՀՀ յուրաքանչյուր քաղաքացի ենթարկվի իր հրամանին.
«Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է»,- ասաց վարչապետը:
Նիկոլ Փաշինյանը նաև նշեց, որ կանայք ոչ թե պետք է պայքարից, հաստատակամությունից հետ պահեն որդիներին, ամուսիներին, եղբայրներին, այլ ընդհակառակը: Կանէլ կարող են ջոկատներ կազմել և մեկնել ռազմաճակատ, եթե ցանկություն կունենան և ուժ կգտնեն իրենց մեջ: