Մեր ընդդիմադիր գործընկերներից մեկը արդեն որերորդ անգամ խոսում է, թե իբր ՀՀ իշխանությունները Հայաստանը տանում են ուկրաինացման սցենարով, Հայաստանը Ուկրաինա են սարքում, Հայաստանին Ուկրաինայի ճակատագիրն է սպասում: Այս մասին, այսօր՝ ապրիլի 11-ին, ԱԺ-ում հայտարարեց ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը:
«Ամեն անգամ ուզում եմ հարց տալ իրեն՝ կարո՞ղ է ինքը ինչ-որ ինֆորմացիա ունի Հայաստան-Ռուսաստան ինչ-որ մոտալուտ ռազմական կոնֆլիկտի մասին, կարո՞ղ է իրեն բան են ասել, ինքը չի ուզում մեզ ասի: Որովհետեւ այն կոնտեքստը, որով ինքն է խոսում Հայաստանի Ուկրաինացման մասին, դա հետեւյալն է՝ ռազմական բախում Ռուսաստանի հետ: Աբսուրդ է պատկերացնել, որ Հայաստանը կարող է նման բախում նախաձեռնել»՞,-ասաց նա:
Այնուհետեւ իր խոսքն ուղղելով ընդդիմությանը, Ալեքսանյանը հայտարարեց. «Հայտարարեք այն մասին, թե որն է Հայաստանի ձեր պատկերացրած տարածքային ամբողջականությունը: Պարզ հայտարարեք, թե քանի քազար քառակուսի կմ է Հայաստանի Հանրապետությունը:
Երկրորդը, երբ 2021-ից սկսած մեզ պարբերաբար մեղադրում էինք, թե ՀՀ իշխանությունները պատրաստվում են միջանցք տալ: Մենք ասում էին՝ ոչ մի պարագայում իշխանությունը չի պատրաստվում միջանցք տալ, հակառակը, դա ընդդիմության նախընտրական թեզն է, որով ուզում է հաճոյանալ այն մարդկանց, որոնք կարող են իրեն բերել իշխանության:
Վերջերս ձեր ընդդիմադիր գործընկերներից մեկը՝ Էդուարդ Շարմազանովը պարզ հայտարարեց, ասաց՝ միջանցքի եղածն ի՞նչ է, որ չեք տալիս, տայիք, Ղարաբաղը չէր հայաթափվի: Դրաով ապացուցվեց, որ միջանցք տալը ձեր նախընտրական թեզն էր այն մարդկանց համար, որոնք ձեր պատկերացմամբ պետք է ձեզ իշխանություն տար»:
Անդրադառնալով ընդդիմության գործելաճին՝ Վահագն Ալեքսանյանը նշեց՝ ՀՀ ընդդիմությունը, առնվազն խորհրդարանական, ունի երեք նպատակ՝ Հայաստանում հասնել հակասահմանադրական իշխանափոխության, ինչի մասին խոսել է Իշխան Սաղաթելյանը, երկրորդ՝ տալ միջանցք Ադրբեջանին, ինչի մասին հայտարարել է Շարմազանովը եւ երրորդ՝ Հայաստանը մտցնել Միութենական պետության մեջ: