Իրավիճակը ճակատում շարունակում է մնալ ծանր, բայց վերահսկելի. Ուկրաինան ծրագրում է հակահարվածային գործողություններ իրականացնել այս տարի, հեռուստամարաթոնի եթերում հայտարարել է Ուկրաինայի Զինված ուժերի ցամաքային զորքերի (ՀԶՈՒ) հրամանատար Ալեքսանդր Պավլյուկը, փոխանցում է РБК-Украина-ն։
Նրա խոսքով՝ ռուսական կողմն ամեն ինչ անում է, որպեսզի ՌԴ նախագահական ընտրություններից առաջ հնարավորինս առաջ շարժվի։
«Ամեն ինչ արվում է նախաձեռնությունը տիրանալու համար։ Մեր խնդիրն է կայունացնել առաջնագիծը, հնարավորինս ոչնչացնել հակառակորդին, հնարավորինս վերախմբավորվել՝ վերականգնման կարիք ունեցող ստորաբաժանումները դուրս բերելու, հարվածային ուժեր ստեղծելու և տարի իրականացնելու հակահարվածային գործողություններ այս համար։ Մեզ դա հաջողվում է։ Իրավիճակը կայունանում է»,- ասաց նա։
Պավլյուկի խոսքով՝ դեռ մի քանի թեժ ուղղություններ են մնացել՝ Ավդեևկա, Չասովոյ Յար, Տերնա դեպի Լիման ուղղությունները։
Վերոնշյալ ուղղություններում ամեն օր ծանր մարտեր են ընթանում, սակայն ուկրաինական զորքերը, ըստ նրա, վստահորեն դիմանում են՝ հսկայական կորուստներ պատճառելով հակառակորդին։
«Կարծում եմ, որ մոտ ապագայում մենք կկայունացնենք իրավիճակը և կանենք ամեն ինչ, որպեսզի զորքերը ակտիվ գործողություններ ձեռնարկեն և նախաձեռնությունն իրենց ձեռքը վերցնեն», - հավելել է Պավլյուկը։
