Ուզում եմ կրկին շնորհակալություն հայտնել այս պատասխանատու պաշտոնը ինձ վստահելու համար, այս մասին Կառավարության նիստում ասաց նորանշանակ էկոնոմիկայի նախարար Գևորգ Պապոյանը։
«Մեծ պատիվ է դա և միաժամանակ նաև հասկանում ենք այն պատասխանատվությունը, որը ունենք պետության և ժողովրդի առաջ և բնականաբար Կառավարության հետ միասին ձեռնամուխ ենք լինելու մեր բոլոր առաջնահերթությունների հերթականությամբ լուծմանը և ինչպես մնացած բոլոր ոլորտներում՝ Կառավարությունը որդեգրել է առաջնորդության տեսլականը, տնտեսական քաղաքականության դաշտում նույնպես փորձելու ենք այդ առաջնորդությունը վերցնել մեր ձեռքը ու տանել առաջ»,- ասաց նա։