ՀՀ ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանը փետրվարի 19-ին՝ Ամենայն հայոց բանաստեղծ Հովհաննես Թումանյանի ծննդյան օրը, որը նշվում է նաեւ որպես գիրք նվիրելու օր, իր ֆեյսբուքյան էջում հայտարարել էր մրցույթ:
Հաղթողներն ընտրվել են պատահականության սկզբունքով եւ հրավիրվել Ազգային ժողով:
Փետրվարի 21-ին Թագուհի Թովմասյանը հյուընկալել է մրցույթի հաղթողներին եւ նրանց նվիրել «Վավերագրեր հայ եկեղեցու պատմության» գիրքը: Պատգամավորը ներկայացրել է նաեւ խորհրդարանի աշխատանքները:
Հյուրերը շնորհակալություն են հայտնել նվերների համար, կիսվել իրենց տպավորություններով: Նրանք նաեւ այցելել են ԱԺ թանգարան եւ ծանոթացել օրենսդիր մարմնի պատմությանը:
Պատգամավորի համար անակնկալ էին պատրաստել նաեւ այցելուները. նրանք գրքեր են նվիրել եւ մաղթել արդյունավետ աշխատանք:
