Ինչպես հայտնում են ՀՀ բարձր տեխնոլոգիական արդյունաբերության նախարարությունից, EWC-ն հայկական և Հայաստանում գործող ստարտափներին հնարավորություն կտա իրենց գաղափարները ներկայացնել միջազգային հարթակներում, ստանալ մոտ 10 միլիոն դոլարին համարժեք ծառայություններ և հավելյալ ներդրումային հնարավորություններ։
Մրցույթի մրցանակային ֆոնդը 1 միլիոն դոլար է:
Հայտերն ընդունվում են մինչև հուլիսի 5-ը հետևյալ հղումով։
«Ձեռներեցության աշխարհի գավաթ 2022» մրցույթի Հայաստանի ազգային կազմակերպիչը Հայաստանի ամերիկյան համալսարանի Ձեռներեցության և նորարարական տեխնոլոգիաների կենտրոնն է (EPIC)։ Մրցույթի ազգային համակազմակերպիչը ՀՀ բարձր տեխնոլոգիական արդյունաբերության նախարարությունն է։