«Սիստեմա»-ն (Currenttime-ի և Радио Свобода-ի հետաքննական նախագիծ) էլփոստով ստացել է միլիարդատեր Ռոման Տրոցենկոյին վերագրվող հեռախոսազանգի ձայնագրության հղումը, որը հրապարակված է համացանցում: Նամակում նրա զրուցակիցը նշված չէ, բայց, դատելով զրույցից, նա կարող էր լինել գործարար Նիկոլայ Մատուշևսկին՝ Տրոցենկոյի վաղեմի ընկերը և Մոսկվայի Flacon դիզայն-գործարանի հիմնադիրը, որը հրապարակային համակրում է ընդդիմությանը։ Այդ մասին գրում է currenttime.tv-ն։

Տրոցենկոն «Սիստեմային» հաստատել է, որ ճանաչում է Մատուշևսկուն, բայց «երևի մեկուկես տարի» չի շփվել նրա հետ։

«Սիստեմա»-ի լրագրողը կապ հաստատեց Մատուշևսկու հետ, որն ասել է, որ «այդպիսի խոսակցությունը տեղի չի ունեցել»։ Նա հավելել է, որ վերջին անգամ Տրոցենկոյի հետ խոսել է 2022 թվականին։

«Ցավոք սրտի, Ռուսաստանը, որին մենք այդքան անկեղծորեն սիրում ենք, հայտնվել է ինչ-որ անբարոյականների ճիրաններում… Ինչպե՞ս կարող է ապրել և զարգանալ մի երկիր, որտեղ միակ գաղափարախոսությունը փող աշխատելն է և իշխանություն պահելը մարդկանց մի խմբի կողմից… Ռուսաստանում ամեն ինչ փլվում է …»,- ասում է Տրոցենկոյի նման ձայնը:

Ձայնագրությունն ամբողջությամբ