Այս մասին տեղեկացրել է Deutsche Welle-ն։ Սա արվում է ավելի վաղ ընդունված պատժամիջոցների 12-րդ փաթեթի համաձայն։

 

Երրորդ երկրներում մշակված ռուսական ադամանդների եվրոպական էմբարգոն ուժի մեջ կմտնի ավելի ուշ՝ 2024թ. մարտի 1-ից մինչեւ սեպտեմբերի 1-ը։ Փորձագիտական հանրույթի գնահատականներով՝ Ռուսաստանը ադամանդների վաճառքից ամեն տարի վաստակում է 3,7-4,6 մլրդ եվրո։

Բացի այդ,  պատժամիջոցների 12-րդ փաթեթը նախատեսում է երրորդ երկրներ ռուսական նավթի արտահանման գնային շեմի խստացում։ Եվրոպական ընկերություններից պահանջելու են ապացույցներ ներկայացնել, որ նրանք չեն խախտում ՌԴ նավթի՝ Արեւմուտքի երկրների մտցրած «գնային շեմը»։

 

Փաթեթում ընդլայնված է նաեւ այն ապրանքների ցուցակը, որոնց Ռուսաստան արտահանման վրա տարածվում են ԵՄ սահմանափակող միջոցները։ Արգելքի տակ են ընկնում լիթիումի մարտկոցները, թերմոստատները եւ քիմիական արտադրանքի մի քանի տեսակներ։ Ի հավելումն՝ պատժամիջոցների նոր փաթեթում Եվրամիությունը սահմանափակումներ է մտցրել ավելի քան 140 ֆիզիկական եւ իրավաբանական անձանց դեմ, որոնք կողմնակից են Ուկրաինայի դեմ պատերազմին։