Կարևոր է ընգծել, թե ինչի մասին չէ ապրիլի 5-ի Բրյուսելի բարձր մակարդակի եռակողմ հանդիպումը:
Այս մասին ԱԺ-ում՝ Կառավարության 2023 թվականի ծրագրի կատարողականը ներկայացնելիս հայտարարեց Նիկոլ Փաշինյանը:
«Դա այն մասին չէ, որ ԵՄ-ն և ԱՄՆ-ն գալու են և լուծեն մեր խնդիրներն ու պրոբլեմները: Սա կարևոր եմ համարում բարձրաձայնել, որովհետև մեզանում երբեմն արհեստական սպասումներ են ձևավորվում որ ինչ-որ բարեկամներ կամ դաշնակիցներ պետք է գան և լուծեն մեր խնդիրները»,- ասաց վարչապետը:
Ըստ նրա՝ մեր խնդիրների լուծման մեթոդաբանությունը պետք է փոխել և արձանագրել ու ամրացնել գիտակցումը, որ մեր խնդիրները մենք պետք է լուծենք:
«Մի պարզ պատճառով, որ դրանք մեր խնդիրներն են։ Սա, ի դեպ, ինքնիշխանության հոգեբանական բանաձևն է, որովհետև ինքնիշխանություն նշանակում է սեփական խնդիրների գիտակցում և դրանց լուծման գնալու պատրաստակամություն։ Հակառակը կապ չունի ինքնիշխանության, պետականության, անկախության հետ։ Հակառակը վասալի, ֆորպոստի տրամաբանությունն է։ Եվ անկախ պետություն ունենալու համար պետք է առաջին հերթին դուրս գանք այս տրամաբանությունից. մեր խնդիրները մենք պետք է լուծենք շատ պարզ, տրիվիալ պատճառով՝ դրանք մեր խնդիրներն են»,- ասաց նա:
Առավել մանրամասն՝ տեսանյութում:
