Պատրիարք Կիրիլը պարգևատրել է Գարեգին Երկրորդին Ռուսաց Եկեղեցու «Փառքի և պատվի» 1-ին աստիճանի բարձր շքանշանով
▲ Դեպի վեր
  • Երեվան 9°C
    40%
    7 կմ/ժ
  • Շիրակ 4°C
    56%
    4 կմ/ժ
  • Լոռի 5°C
    49%
    4 կմ/ժ
  • Տավուշ 12°C
    64%
    5 կմ/ժ
  • Արարատ 10°C
    33%
    3 կմ/ժ
  • Սյունիք 12°C
    54%
    5 կմ/ժ
  • Արմավիր 10°C
    40%
    7 կմ/ժ
  • Գեղարքունիք 3°C
    45%
    3 կմ/ժ
  • Արագածոտն 8°C
    40%
    7 կմ/ժ
  • Կոտայք 6°C
    34%
    5 կմ/ժ
  • Արցախ 10°C
    61%
    6 կմ/ժ
:
  • Եվրո = 553.1107
  • Ռուբլի = 6.75897
  • Դոլար = 475.556

Պատրիարք Կիրիլը պարգևատրել է Գարեգին Երկրորդին Ռուսաց Եկեղեցու «Փառքի և պատվի» 1-ին աստիճանի բարձր շքանշանով

Ամենայն Հայոց Կաթողիկոս Գարեգին Երկրորդը Մոսկվայում հանդիպում է ունեցել Մոսկվայի և Համայն Ռուսիո Պատրիարք Կիրիլի հետ: Ռուս Ուղղափառ Եկեղեցու առաջնորդը, ընդունելով Ամենայն Հայոց Կաթողիկոսին, հույս է հայտնել, որ Գարեգին Երկրորդի այցը կնպաստի Ռուս Ուղղափառ և Հայ Առաքելական եկեղեցիների, ինչպես նաև երկու ժողովուրդների հարաբերությունների հետագա զարգացմանը:

«Ջերմագին ողջունում ենք Ձեզ և բոլոր եղբայրներին: Շատ ուրախ եմ Ձեզ հետ հանդիպման համար: Մեր եկեղեցիների, ինչպես և ռուս և հայ ժողովուրդների բարեկամական հարաբերությունները դիմացել են ժամանակի փորձությանը: Հուսով եմ, որ Ձեր այցը կնպաստի մեր եկեղեցիների և մեր ժողովուրդների հարաբերությունների հետագա զարգացմանը: Ռուս և Հայ եկեղեցիները բազմադարյա կապեր ունեն, և մեր ժողովուրդները նաև միասին են ապրել մեկ երկրի տարածքում, և երբ երկրները դարձան ինքնիշխան, բարեբախտաբար, բարեկամական հարաբերությունները Ռուսաստանի և Հայաստանի միջև պահպանվեցին: Եվ ես կարծում եմ, որ շատ առումներով դա պայմանավորված է մեր եկեղեցիների միջև բարեկամական հարաբերություններով», - ասել է Պատրիարք Կիրիլը:

Ռուս Եկեղեցու հոգևոր պետ Կիրիլ Պատրիարքը նաև պարգևատրել է Ամենայն Հայոց Վեհափառ Հայրապետին Ռուսաց Եկեղեցու «Փառքի և պատվի» 1-ին աստիճանի բարձր շքանշանով՝ Առաքելական Սուրբ Եկեղեցու և Մոսկվայի Պատրիարքարանի միջև բարեկամական հարաբերությունների զարգացման գործում ներդրած ավանդի համար և Հայոց Հայրապետի 70-ամյակի առիթով:

Ամենայն Հայոց Կաթողիկոսն իր խոսքում նշել է, որ երկու ժողովուրդների ու եկեղեցիների միջև դարավոր բարեկամությունը դրսևորվել է թե դժվարին ժամանակներում, և թե վերելքի ընթացքում: «Մենք միասին բերկրանք ենք ապրել, ուրախացել համատեղ ձեռքբերումներով և միասին նաև պայքարել, արյուն ենք հեղել մեր ժողովուրդների անխախտ բարեկամության պահպանության, նաև՝ մեր ժողովուրդների անկախ ու ազատ կյանքի համար: Մենք հպարտություն պարգևող բազում այդպիսի վկայություններ ունենք, մասնավորապես՝ Երկրորդ Համաշխարհային պատերազմի տարիներին, նաև՝ խորհրդային ժամանակաշրջանի ողջ ընթացքում: Այդ նույն ոգին, այդ նույն գիտակցությունն առաջնորդել են մեր ժողովուրդներին, մեր եկեղեցիներին նաև անկախության տարիներին: Մեր այցելությունները, հանդիպումները Ձերդ Սրբության հետ վկայությունն են այդ ոգու և այդ իրողության: Մենք շտապես զգացել ենք Ռուսիո Ուղղափառ եկեղեցու հոգևոր պետերի զորակցությունը մեր ժողովրդին և մեր եկեղեցուն»,- ասել է Վեհափառ Հայրապետը:

Կաթողիկոսը փաստել է՝ այսօր բարդ ու դժվարին ժամանակներ են մեր երկրի և մեր ժողովրդի համար: «Մենք հավատում ենք, որ Աստծո զորակցությամբ և մեր հավատքի շնորհիվ այս փորձությունը ևս պիտի հաղթահարենք մեր ժողովրդի հետ միասին և բարեկամ մեր երկրների և ժողովրդների հետ, առաջին հերթին՝ Ռուսաստանի և Ռուսաց Ուղղափառ եկեղեցու: Այս հանդիպումը իրապես հնարավորություն է, որպեսզի մենք կարողանանք անդրադարձ կատարել այդ հարցերին, խնդիրներին, որոնք այսօր ծառացած են մեր ժողովրդի առջև, հուզում են մեր ժողովրդին: Ինչպես նաև անդրադարձ կատարել Ռուս Ուղղափառ եկեղեցու բարձրակարգ ներկայությանը Հայաստանում, որը դժբախտաբար բավականին ժամանակ ձգձգվում է: Մենք լիահույս ենք, որ Ռուս Ուղղափառ եկեղեցին մի օր բարձրաստիճան եկեղեցական մշտական ներկայություն կունենա Հայաստանում և ավելի կնպաստի մեր կապերի զորացմանն ու մեր գործակցության խորացմանը»,- եզրափակել է Կաթողիկոսը:

Թեմայի այլ նորություններ
Վարչապետը Ֆրանսիայի դեսպանի հետ քննարկել է երկկողմ հարաբերությունների օրակարգային հարցերն ու նախատեսվող քայլերը
Վարչապետը Ֆրանսիայի դեսպանի հետ քննարկել է երկկողմ հարաբերությունների օրակարգային հարցերն ու նախատեսվող քայլերը
ավելին
Մեր երկրի ներքին դիմադրողունակությունը ամրացնելու համար անհրաժեշտ է Հայաստանի ինքնիշխանությունը կասկածի տակ չդնող ուժերի համախմբում. Արման Բաբաջանյան
Մեր երկրի ներքին դիմադրողունակությունը ամրացնելու համար անհրաժեշտ է Հայաստանի ինքնիշխանությունը կասկածի տակ չդնող ուժերի համախմբում. Արման Բաբաջանյան
ավելին
Ազգային անվտանգության մարմինների կողմից հայտնաբերվել և կանխվել են պետությանն առանձնապես խոշոր չափերով վնաս պատճառած ընդերքօգտագործման ոլորտի չարաշահումների տարաբնույթ դրսևորումներ
Ազգային անվտանգության մարմինների կողմից հայտնաբերվել և կանխվել են պետությանն առանձնապես խոշոր չափերով վնաս պատճառած ընդերքօգտագործման ոլորտի չարաշահումների տարաբնույթ դրսևորումներ
ավելին
Երևանի 2022թ. բյուջեի ու զարգացման ծրագրի նախագծերը դրված են հանրային քննարկման
Երևանի 2022թ. բյուջեի ու զարգացման ծրագրի նախագծերը դրված են հանրային քննարկման
ավելին
Հայ խորհրդարանականները հանդիպել են Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի նորանշանակ հատուկ ներկայացուցչի հետ
Հայ խորհրդարանականները հանդիպել են Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի նորանշանակ հատուկ ներկայացուցչի հետ
ավելին
ՀՀ ԱԺ պատգամավոր Նազելի Բաղդասարյանը մասնակցել է Սանկտ Պետերբուրգում ընթացող ԱՊՀ միջխորհրդարանական վեհաժողովի նիստին
ՀՀ ԱԺ պատգամավոր Նազելի Բաղդասարյանը մասնակցել է Սանկտ Պետերբուրգում ընթացող ԱՊՀ միջխորհրդարանական վեհաժողովի նիստին
ավելին