ՀԱՊԿ մեր դիրքորոշումը երկար ժամանակ հայտնում ենք, մենք ՀԱՊԿ-ից ակնկալում ենք, որ ՀԱՊԿ-ը ճանաչի իր պատասխանատվության սահմանը։ Դա է Հայաստանի ճանաչված 29800 քառակուսի կիլոմետր տարածքը, ինչպես նաև սահմանները, որոնք գոյություն ունեն Ադրբեջանի, Վրաստանի, Թուրքիայի, Իրանի հետ։ Քանի դեռ ՀԱՊԿ-ը չի ճանաչել, այս խնդիրը մնում է օդում: Այս մասին լրագրողների հետ զրույցում ասաց Անվտանգության խորհրդի քարտուղար Արմեն Գրիգորյանը:
Ինչ վերաբերում է նրան, թե Հայաստանը քննարկում է առաջիկայում ԵՄ անդամակցության հայտ ներկայացնելու հարցը, Արմեն Գրիգորյանն ասաց, որ Հայաստանը քննարկում է տարբեր հարցեր, օրակարգում տարբեր հարցեր կան: «Մենք շարունակելու ենք գոյություն ունեցող բոլոր ուղղությունները և հարցերը քննարկել»,- ասաց նա: