Մենք պատրաստ ենք ԵՄ-ին լինել այնքան մոտ, որքան ԵՄ-ն հնարավոր կհամարի: Այս մասին այսօր մամուլի ասուլիսին ասաց ՀՀ վարչապետ Նիկոլ Փաշինյանը:
«Հիմա մենք պետք է հասկանանք, թե ԵՄ-ն ինչքան հնարավոր կհամարի և դրանից հետո անենք հետևություններ, բայց նաև կարևոր է, թե ՀՀ ժողովուրդը ինչքան հնարավոր կհամարի»,-ասաց նա:
Նա նշեց, որ այս փուլում տեսնում ենք, որ ԵՄ-ի հետ մեր հարաբերությունները շատ ակտիվ են: «Լավ է, որ ԵՄ-ն է ասում, որ Հայաստանի հետ հարաբերությունները երբեք այսքան խոր և ամուր չեն եղել, և հույս ունեմ, որ առաջիկայում կունենանք որոշումներ, որոնք կլինեն այդ ուժեղ հարաբերությունների արտահայտությունը»,- ասաց նա և նշեց, որ այդ արտահայտություններից մեկը կարող է լինել վիզաների ազատականացման բանակցությունների մեկնարկը ՀՀ-ի և ԵՄ-ի միջև, առևտրային արտոնյալ պայմանների տրամադրումը Հայաստանում արտադրված ապրանքներին: