Հայաստանի տարածքների զիջման մասին դուք եք խոսել, մենք խոսել ենք տարածքային ամբողջականությունը պահպանելու մասին: Այս մասին այսօր Ազգային ժողովում իր ելությում ասաց ՀՀ ԱԺ փոխնախագահ Հակոբ Արշակյանը՝ դիմելով ընդդիմությանը:
«Իմ համար տարբերություն չկա, ես այստեղ եմ նստած, թե Բաղանիսում եմ նստած: Ձեզ թվում է, որ մենք երևանցի ենք՝ Երևանում էլ պետք է ծառայենք ու կռվենք, կռվելու ժամանակը գա, բոլորս էլ կռվելու ենք»,- ասաց նա և կոչ արեց դադարեցնել բաժանումներ անել:
Նա նշեց, որ որևէ քայլ, որը ձեռնարկվում է ՀՀ կառավարության, իշխանությունների կողմից, միտված է միայն դրան:
«ՀՀ -ն կա, լինելու է ուժեղ պետություն, ինքնիշխան, տարածքային ամբողջականությամբ, մենք ունենալու ենք հստակ գծված սահմաններ, ունենալու ենք հզոր բանակ և հիմա էլ ունենք, և անհրաժեշտության դեպքում պատրաստ ենք պաշտպանել մեր տարածքային ամբողջականությունը, և ամբողջ աշխարհը ճանաչում է այդ տարածքային ամբողջականությունը: Մենք հասնելու ենք նրան, որ խաղաղությամբ ունենալու ենք մեր տարածքում արժանապատիվ ապրելու և արարելու իրավունք»,- ասաց նա: