Խաղաղության օրակարգը՝ դա ռազմավարություն է, իսկ ռազմավարությունն այն է, երբ դու, անկախ հանգամանքներից, շարունակում ես շարժվել՝ կաղմնորոշվելով դեպի քո նպատակը։ Այս մասին մամուլի ասուլիսում հայտնել է ՀՀ վարչապետ Նիկոլ Փաշինյանը՝ պատասխանելով այն հարցին, որ նա հայտարարում էր այն մասին, որ ոչինչ չի ստիպի Հայաստանին շեղվել խաղաղության օրակարգից, սակայն վերջին ժամանակներս հայտարարում է այն մասին, որ կա Հայաստանի վրա Ադրբեջանի հարձակման մեծ հավանականություն, արդյո՞ք դա նշանակում է, որ խաղաղության օրակարգը ձախողվել է։
«Օրինակ, դեմոկրատիան մեզ համար ռազմավարություն է։ Ներկայում դեմոկրատիան Հայաստանում կատարյալ վիճակո՞ւմ է։ Իհարկե՝ ոչ։ Եվ ինչ, մենք պետք է ասենք՝ քանի որ կան այսպիսի խնդիրներ, եկեք դադարենք գնալ դեմոկրատական ուղիո՞վ։ Հենց սա է ռազմավարական մոտեցումը»,- նշել է Փաշինյանը։
