Վլադիմիր Պուտինը նախագահական ընտրություններում հաղթանակ է տարել ԱՄՆ-ում, Գերմանիայոմ, Էստոնիայում, Ղրղզստանում, Լատվիայում, Ավստրալիայում, Հայաստանում։ «ՏԱՍՍ»-ի փոխանցմամբ, այս մասին հայտնել է ՌԴ ԿԸՀ նախագահ Էլլա Պամֆիլովան։

«Այն երկրները, որոնք համարվում են, որ ամենա ոչ բարեկամական են, որտեղ առավել շատ ռելոկանտներ կան, Պուտինը հաղթանակ է տարել։ Գերմանիայում Վ. Պուտինի օգտին քվեարկել են մասնակիցների 56.82 տոկոսը, Էստոնիայում՝ 75.22 տոկոսը, Լատվիայում՝ 70.6 տոկոսը, Ավստրալիայում՝ 53.6 տոկոսը, Հայաստանում՝ 54.7 տոկոսը, ԱՄՆ-ում՝ 42.23 տոկոսը»,-ասել է նա։

Հարցին, թե ինչու է Հայաստանը հայտնվել ոչ բարեկամական երկրների ցանկում, ԿԸՀ նախագահն ասել է. «Քանի որ Վրաստանում մենք ունենք շատ ռելոկանտներ, բայց  չունենք ընտրատեղամաս, նրանք գնացել են ընտրելու Թուրքիայում, Հայաստանում, Ղազախստանում»։

ՌԴ նախագահի ընտրություններն անցկացվել են մարտի 15-17-ը։