Կառավարության այսօրվա նիստում վարչապետ Նիկոլ Փաշինյանը հայտարարեց, որ այսօրվա նիստին էկոնոմիկայի նախարարի կարգավիճակով մասնակցում է Գևորգ Պապոյանը:
Վերջինս նախ շնորհակալություն հայտնեց այդ պատասխանատու պաշտոնը իրեն վստահելու համար:
«Մեծ պատիվ է դա, և ամբողջ թիմով հասկանում ենք այն մեծ պատասխանատվությունը, որը ունենք պետության և ժողովրդի առաջ: Եվ, բնականաբար, Կառավարության հետ միասին ձեռնամուխ ենք լինելու մեր բոլոր առաջնահերթությունների հերթականությամբ լուծմանը: Եվ ինչպես մնացած բոլոր ոլորտներում Կառավարությունը որդեգրել է առաջնորդության տեսլականը, տնտեսական դաշտում նույնպես փորձելու ենք այդ առաջնորդությունը վերցնել մեր ձեռքը և տանել առաջ»,- նշեց էկոնոմիկայի նորանշանակ նախարար Գևորգ Պապոյանը:
