«Արծվիկ Մինասյանն իր ելությում ասում է՝ հրաժարական տվեք։ Պարոն Մինասյան, այդքան օրհասական է վիճակը, հրաժարական է պետք է, նոր բան կա ասելո՞ւ՝ դուք բոլորդ հրաժարական տվեք և նոր ընտրություններ տեղի կունենան։ Բա խ՞ի հրաժարական չեք տալիս, չե՞ք կարողանում իրար մեջ պայմանավորվել»,-Ազգային ժողովում Հայաստանի կառավարության ծրագրի 2023 թվականի կատարման ընթացքի և արդյունքների մասին զեկույցի քննարկումից հետո արձագանքելով ընդդիմադիր պատգամավորների ելույթին՝ ասաց ԱԺ նախագահ Ալեն Սիմոնյանը։
Նա նշեց, որ օրակարգը չկա, ընդդիմությունն իր ասածները չի արել։
«Ձեր ասածից՝ ինչ արեցիք որպես ընդդիմություն։ Ընդդիմությունն իշխանության մի մասն է։ Ի՞նչ եք արել ձեր խոսք տվածից»,- ասաց Սիմոնյանը։
Անդրադառնալով «Հայաստան» խմբակցության պատգամավոր Աննա Գրիգորյանի ելույթին՝ նա ասաց. «Դուք պրոռուսական ընդդիմություն եք, ձեր օրակարգը ո՞րն է, ինչո՞ւ եք եկել»։
