«Դա խրճիթ չէ, դրանք տներ են, որտեղ շինարարական կամ սակրավոր ջոկատը բնակվում է և ապահովված է ամեն ինչով՝ բացի անվտանգության նորմերի պահպանումից, որոնք էլ խախտվել են, և որի հետևանքով տեղի է ունեցել այդ դեպքը»:
Այս մասին այսօր լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ անդրադառնալով Գեղարքունիքի մարզի Ազատ գյուղում տեղակայված զորամասի ինժեներասակավորային վաշտի կացարանի հրդեհի դեպքին և դրա ողբերգալի հետևանքներին:
Դիտարկմանը՝ իշխանությունները փորձում են ցույց տալ, թե հակառակորդը լավն է, Սիմոնյանն ասաց՝ շղարշ փռել և ցույց տալ, թե հակառակորդը վատը չէ, նման բան չկա:
«Հակառակորդը վատն է և ամեն րոպե փորձում է մեզ վրա հարձակվել, քանի դեռ չենք ուժեղացել, որպեսզի կարողանանք նրան հակահարված տալ: Ցավում եմ, որ սեպտեմբերի 13-ի ժամանակ այսպես միահամուռ կերպով չեկաք ու չասացիք՝ ինչո՞ւ չեք գովում մեր պաշտպանության նախարարին, մեր տղաներին, որոնք սույն ժամանակահատվածի ներխուժման ժամանակ այնպիսի հակահարված տվեցին, որն իրական առաջխաղացում կանգնեցրեց: Եթե այդ օրը լավ հակահարված չլիներ, թշնամին կարող էր հասնել մինչև Նախիջևան»,- նշեց ԱԺ խոսնակը:
Վերջինիս խոսքով՝ ներխուժմանը դիմագրավել հաջողվել է բանակում բարեփոխումների շնորհիվ, որոնք էլ շարունակվում են մինչև հիմա:
«Դուք մոռանում եք նաև, որ ՀՀ զինված ուժերը երկու տարի առաջ մեծ պատերազմի մեջ է եղել՝ դրանից բխող բոլոր հետևանքներով: Բանակի համար ամեն ինչ գնվում է, չկա գումարի խնդիր»,- ընդգծեց նա: