«Կարող եմ բազմաթիվ փաստեր նշել, որ միտումնավոր աշխատում եք Հայաստանի պետական շահերի դեմ»:
Այս մասին Ազգային ժողովում իր ելույթի ընթացքում ասաց «Քաղաքացիական պայմանագիր» խմբակցության պատգամավոր Բաբկեն Թունյանը՝ խոսելով խորհրդարանական ընդդիմության մասին։
«Մի բացառություն կար, որ գոնե խորհրդարանական դիվանագիտության մեջ միասնական մոտեցում ունեինք, բայց դա էլ է այս վերջերս կոտրվել։ Եվրանեսթում պատվիրակությամբ, որ գնացել էինք, ՀՀ առաջարկին չէր սատարում ադրբեջանական պատվիրակությունն ու մեր պատվիրակության ընդդիմադիր անդամները։ ՀՀ խորհրդարանական ընդդիմությունը ամեն ինչ անում է, որ Հայաստանի հեղինակությունը նվազի»,- ասաց նա։
Այնուհետև Թունյանը շարունակեց․ «Ոնց որ ինչ-որ բան ձեզ կանգնեցնի։ Այսինքն՝ ասում եք՝ ՀՀ վարչապետի պաշտոնը զբաղեցնող Նիկոլ Փաշինյանը, չեք ասում՝ ՀՀ վարչապետ Նիկոլ Փաշինյանը, բայց դրանից Նիկոլ Փաշինյանը դադարո՞ւմ է վարչապետ լինել, դա ի՞նչ մոտեցում է։ Եթ դուք ՀՀ ժողովրդի կողմից ընտրված մարդու պաշտոնը չեք ասում, բայց դրա փոխարեն երրորդ երկրի մամուլի քարտուղարի պաշտոնը դողդողալով արտասանում եք, դա ի՞նչ է նշանակում»։