«Ապացույցներ կան, որ ԼՂ ներկայացուցիչների մի շրջանակ, մի խումբ, այնուամենայնիվ, ԼՂ-ում բազմաթիվ քննարկումների ընթացքում ներկայացրել է, որ եթե շարունակենք այս ճանապարհով գնալ, լինելու է սա, սա, սա, և չի արձագանքել Ձեր ասած շրջանակը, թե որն էր իրենց պլանը». ասել է վարչապետ Նիկոլ Փաշինյանը՝ ի պատասխան «Հայաստան» խմբակցության ղեկավար Սեյրան Օհանյանի հարցի։
«Մենք այսօր նյութեր ունենք, որտեղ երևում է, թե որն է իրենց պլանը։ Ասում էին՝ հա, լավ, այստեղ չի լինում, կգնանք ՀՀ-ում իշխանություն կվերցնենք, ի՞նչ ա եղել, որ»,- նշել է նա՝ հավելելով, որ Սեյրան Օհանյանն էլ գիտի այդ մասին։ Նա նաև հիշեցրել է, որ «Հայաստան» դաշինքը չէր թաքցնում իր ոգևորությունը ԼՂ-ում տեղի ունեցած հրաժարականների կապակցությամբ. «Բայց հրաժարական տվողները գոնե ասում էին՝ ինչ է լինելու հաջորդիվ, և պետք է արձագանքել իրավիճակին, բայց չի եղել արձագանք»։
