Փետրվարի 21-ին հեռախոսազրույց է տեղի ունեցել Հայաստանի Հանրապետության վարչապետ Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի միջև:
Երկու երկրների ղեկավարները քննարկել են 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 16-ի եռակողմ հայտարարություններով ձեռքբերված պայմանավորվածությունների կատարման ընթացքը:
Տեղի է ունեցել մտքերի փոխանակում Լեռնային Ղարաբաղի շուրջ ստեղծված իրավիճակի շուրջ։ Երկուստեք կարևորվել է Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի պայմանավորվածությունների հետևողական իրականացումը, ներառյալ Հարավային Կովկասում տրանսպորտային և տնտեսական կապերի վերականգնմանն ուղղված միջոցառումները, ինչպես նաև հայ-ադրբեջանական սահմանի սահմանազատման գործընթացի շուտափույթ մեկնարկին ուղղված քայլերը:
Անդրադարձ է կատարվել տարածաշրջանում կայունության ամրապնդմանն ու երկարաժամկետ խաղաղության ու համագործակցության հարաբերությունների հաստատմանը վերաբերող մի շարք այլ հարցերի։
Հաշվի առնելով Ռուսաստանի Դաշնության և Հայաստանի Հանրապետության դիվանագիտական հարաբերությունների հաստատման 30-ամյակը, որը նշվում է այս տարվա ապրիլին՝ Վլադիմիր Պուտինը հրավիրել է Նիկոլ Փաշինյանին պաշտոնական այցով այցելել ՌԴ։ Հրավերն ընդունվեց երախտագիտությամբ։ Հայաստանի վարչապետն իր հերթին Վլադիմիր Պուտինին հրավիրել է Հայաստան:
Զրուցակիցները քննարկել են նաև ռուս-ուկրաինական հարաբերություններում հաստատված իրավիճակը, տարածաշրջանային անվտանգության հարցեր: