Ռուս-ուկրաինական բանակցությունների երրորդ փուլը տեղի կունենա երկուշաբթի` մարտի 7-ին: Այս մասին հայտարարել է «Ժողովրդի ծառա» խմբակցության ղեկավար Դավիթ Արախամիան:
Բանակցությունների երկրորդ փուլը տեղի է ունեցել մարտի 3-ին: Կողմերը պայմանավորվածություն են ձեռք բերել խաղաղ բնակիչների տեղափոխման համար հումանիտար միջանցք ստեղծելու վերաբերյալ:
Ավելի վաղ հայտնի է դարձել, որ ՌԴ ՊՆ հայտարարության համաձայն՝ Ուկրաինայի զինվորականները լքել են Խերսոնի շրջանի Ռադենսկ գյուղում գտնվող ռազմաբազան. այն արդեն ռուսական զորքի վերահսկողության տակ է:
ՌԴ զինված ուժերը Մոսկվայի ժամանակով 18-ից չեղյալ են համարել լռության ռեժիմը: Ռուսաստանի պաշտպանական գերատեսչությունը նաև հայտարարել է, որ ուկրաինական կողմը թույլ չի տվել, որպեսզի Մարիուպոլի և Վոլնովախայի որևէ խաղաղ բնակիչ տարհանվի բնակավայրերից:
