ԱԺ «Քաղաքացիական պայմանագիր» խմբակցությունը որոշում է կայացրել Ազգային ժողովի նախագահի տեղակալի պաշտոնից հեռացնել ընդդիմադիր «Հայաստան» խմբակցության պատգամավոր Իշխան Սաղաթելյանին, Վահե Հակոբյանին էլ հեռացնել ԱԺ տնտեսական հարցերի մշտական հանձնաժողովի նախագահի պաշտոնից:
Տեղեկությունը «Լուրեր»-ի հետ զրույցում հաստատեց «Քաղաքացիական պայմանագիր» խմբակցության ղեկավար Հայկ Կոնջորյանը:
Պատճառը բացականե՞րն են, թե՞ այլ հիմքեր կան. հարցին Կոնջորյանը չպատասխանեց՝ նշելով, որ առաջիկայում մանրամասներ կներկայացնեն:
Ավելի վաղ ԱԺ նախագահ Ալեն Սիմոնյանն այսօր հայտարարել էր՝ մոտ օրերս խորհրդարանը քննարկելու է բացակաների թույլատրելի շեմը հատած պատգամավորներին մանդատներից զրկելու հարցը
