ՌԴ նախագահ Վլադիմիր Պուտինը հայտարարել է Դոնբասում հատուկ ռազմական գործողություն սկսելու որոշման մասին։
Նա հայտնել է, որ Դոնբասի ազգային հանրապետություններն օգնության խնդրանքով դիմել են։ «Դրա հետ կապված՝ ես որոշում եմ ընդունել հատուկ ռազմական օպերացիա անցկացնելու մասին»,- ասել է Պուտինը։
Նա հավելել է, որ Ռուսաստանի ծրագրերի մեջ չի մտնում Ուկրաինայի օկուպացումը, սակայն Ռուսաստանը կձգտի հասնել Ուկրաինայի ապառազմականացմանը։
Ուկրաինայի նախագահ Վոլոդիմիր Զելենսկին հայտարարությամբ է հանդես եկել: Նա երկրի քաղաքացիներին կոչ է արել խուճապի չմատնվել:
Վոլոդիմիր Զելենսկին հայտնել է, որ հեռախոսով զրուցել է ԱՄՆ նախագահ Ջո Բայդենի հետ, և Վաշինգտոնն արդեն միջազգային օգնություն է պատրաստվում ցուցաբերել:
Զելենսկին նաև հայտարարել է, որ Ուկրաինայի ամբողջ տարածքում ռազմական դրություն է մտցվում:
