Ռուսաստանը պատրաստ է խորհրդատվական աջակցություն տրամադրել հայ-ադրբեջանական սահմանի սահմանազատման երկկողմ հանձնաժողովի աշխատանքներին։
Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ։
«Ռուսաստանը յուրօրինակ փորձագիտական պոտենցիալ ունի հետխորհրդային տարածքում սահմանազատման և սահմանային վեճերի լուծման ոլորտում։ Իհարկե, մեր տրամադրության տակ կան անհրաժեշտ քարտեզագրական նյութերը։ Ուրախ կլինենք մեր փորձով կիսվել հայ և ադրբեջանցի ընկերների հետ՝ հանձնաժողովի գործունեության շրջանակներում»,- ասել է դիվանագետը։
Մարիա Զախարովան նշել է, որ խորհրդատվական աջակցություն տրամադրելու համար ռուս փորձագետների թիմն արդեն կազմված է։
