«Քաղաքացիական պայմանագիր» խմբակցության պատգամավորները խմբակցության ղեկավար Հայկ Կոնջորյանի գլխավորությամբ հուլիսի 22-ին Ազգային ժողովում ընդունել են Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը:
Հանդիպման ընթացքում քննարկվել է Հայաստանում ժողովրդավարական բարեփոխումների ընթացքը եւ արձանագրվել մի շարք ուղղություններով Հայաստանի առաջատար արդյունքներն Արեւելյան գործընկերության երկրների շարքում:
Անդրադարձ է կատարվել խորհրդարանական աշխատանքների ընթացքին եւ նշվել, որ խորհրդարանական ընտրությունների արդյունքներով Հայաստանում ժողովուրդը հաստատել է իր աներկբա իշխանությունը:
Արձանագրվել է, որ իշխող մեծամասնությունը հանձնառու է ամրապնդելու եւ զարգացնելու ժողովրդավարական ինստիտուտները Հայաստանում` ունենալով քաղաքացիների ամուր աջակցությունը:
