Հայաստանի Հանրապետության արտաքին գործերի նախարար Արարատ Միրզոյանը սեպտեմբերի 19-ից Նյու Յորքում կմասնակցի ՄԱԿ-ի Գլխավոր ասամբլեայի 77-րդ նստաշրջանի բարձրաստիճան հատվածին։ Այս մասին հայտնում են ՀՀ ԱԳՆ-ից:
Տեղի կունենան արտգործնախարար Միրզոյանի` երեք տասնյակից ավելի հանդիպումները գործընկեր պետությունների արտաքին գերատեսչությունների ղեկավարների և միջազգային կազմակերպությունների բարձրաստիճան պաշտոնյաների հետ։
Նշենք, որ ՄԱԿ-ի ԳԱ 77-րդ նստաշրջանին, երկուշաբթի օրը՝ սեպտեմբերի 19-ին, եւ երեքշաբթի օրը՝ սեպտեմբերի 20-ին, կմասնակցի նաև ԱՄՆ-ի նախագահ Ջո Բայդենը։
ՄԱԿ-ի Գլխավոր ասամբլեայի բարձր մակարդակի շաբաթը տեղի կունենա սեպտեմբերի 20-ից մինչեւ 26-ը: Այդ միջոցառմանը, որը բացում Է Գլխավոր ասամբլեայի նոր տարեկան նստաշրջանը, ավանդաբար մասնակցում են նախագահներ, վարչապետներ, նախարարներ: