Կանադայի Սասկաչևան նահանգի նախկին գիշերօթիկ դպրոցներից մեկի հարևանությամբ հայտնաբերվել է հարյուրավոր երեխաների ևս մեկ եղբայրական գերեզման՝ փոխանցում է BBC-ն:
Այս մասին տեղեկացրել է Կանադայում ապրող բնիկ հնդկացիների մի խումբ: Նմանօրինակ բացահայտում էր եղել նաև շաբաթներ առաջ, երբ Կանադայի բրիտանական Կոլումբիայի նախկին գիշերօթիկ դպրոցի մոտակայքում հայտնաբերվել էր 215 երեխայի աճյուններով եղբայրական գերեզման:
Կանադայի նախկին գիշերօթիկ դպրոցներից մեկում հայտնաբերվել էր եղբայրական գերեզմանոց 215 երեխայի աճյունով: Աշակերտներն ուսում են ստացել բրիտանական Կոլումբիայում գտնվող բնիկ հնդկացիների դպրոցում, որը փակվել է 1978 թվականին: Կանադայի արտգործնախարար Ջասթին Թրյուդոն հայտարարել էր, որ այդ հայտնաբերումը «Կանադայի պատմության ամոթալի էջի ցավալի հիշեցում է»:
Կանադայում գիշերօթիկ դպրոցները պարտադիր են եղել: 19-20-րդ դարերի Կանադայի իշխանությունները նպատակ են ունեցել հարկադրաբար ձուլման ենթարկել բնիկ երիտասարդներին: 1890-ին բացված Կամլուփս գիշերօթիկ դպրոցն ամենամեծն է եղել, որտեղ կրթվել է 500 սան: