"Ադրբեջանի՝ ԵԱՏՄ միջկառավարական խորհրդի նիստին մասնակցելու հարցում կոնսենսուս չի եղել, Հայաստանը չի համաձայնել, այդ պատճառով էլ այդ երկրի ներկայացուցիչը չի մասնակցել Կազանում անցկացված ԵԱՏՄ միջկառավարակաան խորհրդի նիստերին",-ամփոփելով Կազանում միջկառավարական խորհրդի նիստերը՝ պարզաբանում է փոխվարչապետի պաշտոնակատար Մհեր Գրիգորյանը։
Մինչ ԵԱՏՄ միջկառավարական խորհրդի նիստը` ԶԼՄ-ներն ու փորձագետները խոսում էին Կազանում ԵԱՏՄ միջկառավարական խորհրդի նիստին Ադրբեջանի մասնակցության հնարավորության եւ այդ հարցում Բաքվի հավակնությունների մասին։ «ԵԱՏՄ խորհրդի նիստին երրորդ երկրի մասնակցության համար անհրաժեշտ է կոնսենսուսային որոշում, բնականաբար, այդ հարցում համաձայնություն չի եղել, մասնավորապես, Հայաստանը չի համաձայնել Ադրբեջանի ներկայացուցչի մասնակցությունը նիստին»,- ասաց Մհեր Գրիգորյանը։
Ապրիլի 29-30-ին Կազանում անցկացվեց ԵԱՏՄ միջկառավարական խորհրդի ընդլայնված կազմով նիստը, որի ավարտին Եվրասիական տնտեսական հանձնաժողովի և Ուզբեկստանի Հանրապետության կառավարության միջև ստորագրվեց փոխգործակցության հուշագիր։