Երեկվա ասուլիսի ընթացքում ՀՀ վարչապետ Նիկոլ Փաշինյանը վստահեցրեց, որ կոռուպցիոն ոչ մի դեպք իրավապահ մարմինները չեն շրջանցում։
«Դա իմ թույլ տեղն է, որ ես ամեն տեղ տեսնում եմ կոռուպցիոն ռիսկեր, բայց չի նշանակում՝ որտեղ կա կոռուպցիայի ռիսկ, այնտեղ կա նաև կոռուպցիա։ Չկա մի հրապարակում, որից հետո իրավապահ մարմիններին չհանձնարարեմ ստուգել, ընդ որում՝ թափանցիկ։
Օրինակ՝ ասում են, որ ԱԺ նախագահի եղբոր ընկերությունն է շահել մրցույթը։ Պարզվում է, որ դա նրա ընկերությունը չէ։ ԱԺ նախագահի եղբայրն այդտեղ վարձու աշխատող է։ Հիմա դա որևէ բան փոխո՞ւմ է, թե՞ չի փոխում։
Բացառում եմ, որ լինի կոռուպցիայի դեպք, և մենք այդ կոռուպցիայի դեպքը շրջանցենք, չի կարող լինել այդպիսի բան։ Կարծում եմ, որ այս 3 տարվա ընթացքում գոնե այդ հարցում մեր սկզբունքայնությունը ցույց ենք տվել»,- ասաց Փաշինյանը։
