Ուկրաինայի պատվիրակությունն ուղղաթիռներով ժամանել է ռուսական կողմի հետ բանակցությունների վայր՝ Բելառուսի Բելովեժյան թավուտ: Ռուսական պատվիրակությունը ժամանել էր դեռ երեկ:
Պատվիրակության կազմերը նույնն են: Բանակցությունների առաջին փուլում կողմերը քննարկել էին հարցերի երեք փաթեթ՝ ռազմական, հումանիտար և քաղաքական: Հանդիպումը տևել է մոտ 5 ժամ:
Որոշ հարցերի հետ կապված, ինչպես հայտարարել են կողմերի ներկայացուցիչները, հնարավոր է եղել հասնել փոխըմբռնման:
Բելառուսի Բրեստի շրջանում մեկնարկել է Ռուսաստանի և Ուկրաինայի պատվիրակությունների միջև բանակցության երկրորդ փուլը:
Մինչև հանդիպումը՝ ուկրաինական պատվիրակության ղեկավար Դավիթ Արախամիան հայտարարել էր, որ բանակցությունից «նվազագույն ակնկալիքը՝ մարդասիրական միջանցքներն են»:
Ուկրաինայի ԱԳ նախարար Դմիտրո Կուլեբան էլ հայտարարել է, որ Կիևը ռուսական կողմի հետ բանակցություններում չի գնա զիջումների տարածքային ամբողջականությանը վերաբերող հարցերում: