Մասիսի համայնքապետ Դավիթ Համբարձումյանը հայտարարություն է տարածել.
«Մասիս խոշորացված համայնքի հարգելի բնակիչներ, քիչ առաջ, տեղեկանալով մեր համայնքապետարանում տեղի ունեցող միջադեպի մասին, շտապ վերադարձել եմ արձակուրդից և այժմ աշխատանքային գործընթացի մեջ եմ: Հուսանք՝ ողջամտությունը կհաղթի, և միջադեպն անարյուն հանգուցալուծում կստանա…»:
Մասիսի փոխքաղաքապետ Նորայր Հակոբյանը «Ֆեյսբուք» սոցիալական ցանցի իր էջում գրառում է կատարել, տեղեկացնելով, որ Մասիսի համայնքապետարան ներխուժած անձի գործողությունների հետևանքով որևէ անձ չի տուժել։
«Համայնքապետարանում գտնվող պահակը և մաքրուհին անվտանգ դուրս են եկել: Ներխուժած անձը դեռևս գտնվում է համայնքապետարանի շենքում»,- գրել է նա:
ԹԱՐՄԱՑՈՒՄ. Ոստիկանապետի առաջին տեղակալի բանակցությունների ընթացքում հնչել է կրակոց: Ոստիկանության հատուկ նշանակության վարչության ծառայողները՝ ՀՀ ոստիկանության պետի առաջին տեղակալ Արամ Հովհաննիսյանի գլխավորությամբ, մտել են ներս և հայտնաբերել hամայնքապետարանի շենք ներխուժած 36 տարեկան Էդվարդ Մարգարյանի դին՝ գլխի շրջանում հրազենային վնասվածքով: Նա ինքնասպան է եղել: Ոստիկանների շրջանում զոհեր կամ վիրավորներ չկան: Դեպքի մասին առավել մանրամասն՝ առաջիկայում:
Հիշեցնենք, որ նռնակով զինված քաղաքացին ներխուժել էր Մասիսի քաղաքապետարանի շենք։
