Օգոստոսի 22-ին նույնականացվել է «Սուրմալու» առևտրի կենտրոնում պայթյունի հետևանքով անհետ կորած համարվող քաղաքացիներից մեկը։ Մահացած քաղաքացին Գագիկ Կառլենի Կարապետյանն է։ Որոնողափրկարարական աշխատանքների արդյունքում հայտնաբերվել է 16 քաղաքացու մարմին, բոլորը նույնականացված են։ Ավելի մանրամասն` հղումով։
Հավելենք, որ այսօր 17:00-ին «Սուրմալու» առեւտրի կենտրոնի տարածքից ԱԻՆ Փրկարար ծառայության տնօրենի տեղակալ, փ/ծ գնդապետ Հովհաննես Եմիշյանը կներկայացնի եւ կամփոփի վերջին 2 օրերի ընթացքում արված աշխատանքները։
Նշենք նաև, որ «Փեթակ» առևտրի կենտրոնի տնտեսվարողները պահանջում են հստակ օր հայտարարել՝ թե երբ կարող են վերադառնալ աշխատանքի։ Այս մասին Ֆեյսբուքի իր էջում գրել է ԱԻՆ-ի մամուլի խոսնակ Հայկ Կոստանյանը:
«Այս պահին Ոստիկանության, Քննչական կոմիտեի և ԱԻՆ-ի պաշտոնյաները քննարկում են ելք գտնել տնտեսվարողների բնականոն աշխատանքի վերադառնալու ուղղությամբ։
Որոշումը կայացնելուց հետո հայտարարություն կտարածվի»,- գրել է նա։