«Հայաստանի բարձրագույն և բարձր պաշտոնյաները ռուս գործընկերների հետ նման քննարկումներ ունենում ենք: Մեր ընկալմամբ, ընդհանուր առմամբ, մոտեցումն այնպիսին է, որ Ռուսաստանի խաղաղապահ ուժերը մնալու են ավելի երկար»,- այսօր գործադիրի նիստից հետո կառավարության անդամների հետ ճեպազրույցի ժամանակ ասաց ԱԽ քարտուղար Արմեն Գրիգորյանը՝ պատասխանելով հարցին, թե ինչն է ենթադրության հիմք տալիս, որ ռուս խաղաղապահները երկար կմնան Արցախում:
«Այն ենթակառուցվածքները, որ ստեղծվում ե Արցախում խաղաղապահ ուժերի համար, դրանք հնարավորություն են տալիս ենթադրելու, որ Ռուսաստանի խաղաղապահ ուժերը առավել երկար կմնան Արցախում»,- ասաց ԱԽ քարտուղարը:
Հարցին, թե առանց Ռուսաստանի՝ Հայաստանը կարող է Արցախը պաշտպանել, Գրիգորյանն ասաց՝ մենք այս պահին քննարկում ենք, որպեսզի համատեղ անվտանգության հարցը լուծենք:
