Հոկտեմբերի 30-ին ՀԱԵ Իրաքի Հայոց Թեմի և Իրաքի Հայ բարեգործական ընդհանուր միության նախաձեռնությամբ Բաղդադում տեղի է ունեցել Իրաքի ՀԲԸՄ 110 ամյակին նվիրված մշակութային երեկո, որին մասնակցեց Իրաքում ՀՀ դեսպանության գործերի ժամանակավոր հավատարմատար Ալիկ Ղարիբյանը։ Հայտնում են Իրաքում ՀՀ դեսպանությունը։ Միջոցառման շրջանակներում տեղի է ունեցել համերգ, որի ընթացքում ազգագրական, հայրենասիրական կատարումներով հանդես եկան իրաքահայ համայնքը ներկայացնող մանկահասակ երաժիշտներ, դաշնակահարներ, ինչպես նաև իրաքահայ համայնքը ներկայացնող փոքրերից բաղկացած պարային խումբ։ Միջոցառման փակման խոսքում Ա․Ղարիբյանը ընդգծեց համայնքային նմանօրինակ միջոցառումների մեծ նշանակությունը, ընդգծեց դրանցում փոքրերի ներգրավման կարևորությունը։