80 տարի առաջ ՝ 1941 թվականի հունիսի 22-ին սկսվեց Հայրենական Մեծ պատերազմը։ Ուղիղ 80 տարի առաջ նացիստական Գերմանիան առանց պատերազմ հայտարարելու հարձակվեց Խորհրդային Միության վրա։ Հիտլերյան զավթիչների դեմ կատաղի պայքարը տեւեց 1418 օր։ Պատերազմն ավարտվեց Կարմիր բանակի եւ նրա դաշնակիցների հաղթանակով։
Այդ պատերազմը Հայաստանի եւ նախկին ԽՍՀՄ այլ երկրների պատմության մեջ ամենաարյունալի եւ կարեւոր պատերազմն էր, զոհվեց ավելի քան 26 միլիոն ԽՍՀՄ քաղաքացի, տասնյակ միլիոններ վիրավորվեցին։
Պատերազմը պահանջում էր գործադրել բոլոր ուժերը եւ այն ազդեց ԽՍՀՄ գրեթե բոլոր բնակիչների վրա: Հայրենական Մեծ Պատերազմի առաջին ողբերգական օրն առաջին քայլն էր դեպի մեծ հաղթանակ Երկրորդ համաշխարհային պատերազմում։