ՀՀ քաղաքաշինության, տեխնիկական եւ հրդեհային անվտանգության տեսչական մարմինը (ՔՏՀԱ) նոյեմբերի 24-ին վերահսկել է Երևանի Ավան և Նոր Նորք վարչական շրջանների հանրային տրանսպորտը։

Այս մասին տեղեկացում է տեսչական մարմինը:

Դիտարկվել է նշված վարչական շրջաններով ուղևորափոխադրում կատարող 45 տրանսպորտային միջոց։ Հայտնաբերվել է հակահամաճարակային կանոնների խախտման 2 դեպք։ Ուղեւորների կողմից դիմակ չկրելու հիմքով կազմվել են արձանագրություններ։ Հանրային տրանսպորտի վերահսկողությունը շարունակական կլինի։