Ռուսական խաղաղապահ զորակազմի զինծառայողները Գիտության օրվան ընդառաջ հումանիտար ակցիա են իրականացրել Լեռնային Ղարաբաղում սահամանզատման գծի մոտակայքում գտնվող Մարտունիի շրջանի երեխաների համար: Այս մասին ասվում է ՌԴ ՊՆ տեղեկագրում:
Ինչպես հաղորդվում է, խաղաղապահները Մաճկալաշենի միջնակարգ դպրոցում ուսումնական տարվա մեկնարկի առթիվ շնորհավորել են մոտ 100 աշակերտի ուսուցիչների:
«Այսօր Մարտունու շրջանի Մաճկալաշեն բնակավայրում հումանիտար ակցիա է իրականացվել երեխաներին՝ №2 դպրոցի սաներին, գրենական պիտույքների հավաքածուներ նվիրելու համար: Միջոցառմանը մասնակցել են երկրորդից մինչև տասներկուերորդ դասարանի երեխաները: Ցանկանում եմ ընդգծել, որ ամեն փաթեթ համապատասխանել է տվյալ դասարանի պահանջներին: Բացի այդ, դպրոցին են տրամադրվել Մենդելեևի աղյուսակի, քարտեզների, գնդակների և այլ իրերի փաթեթներ»,- ասել է խաղաղապահ զորակազմի ներկայացուցիչ Ռուսլան Իվանովը:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
