Այն պարագայում, երբ ՀՀ ներկայիս իշխանությունները Լեռնային Ղարաբաղը ճանաչել են Ադրբեջանի մաս, առաջանում են մարդասիրական, ինչպես նաև ռուս խաղաղապահների տեղակայման մանդատի հետ կապված հարցեր: Այս մասին ասել է ՌԴ նախագահ Վլադիմիր Պուտինը՝ Արևելյան տնտեսական ֆորումի լիագումար նիստում իր ելույթի ժամանակ:
«Այո՛, մանդատը դեռ գործում է, իսկ մարդասիրական բնույթի, այնտեղ էթնիկ զտումներ թույլ չտալու հարցերը, իհարկե, ոչ մի տեղ չեն անհետացել, և ես այդ ամենի հետ միանգամայն համակարծիք եմ: Հուսով եմ, որ Ադրբեջանի ղեկավարությունը, ինչպես մեզ միշտ ասել է և հիմա էլ է ասում՝ հետաքրքրված չէ որևէ էթնիկ զտում անելու հարցում, ընդհակառակը՝ հետաքրքրված է, որ գործընթացը փափուկ ընթանա», - ասել է Պուտինը:
