Արցախում` Մարտակերտի շրջանի Յարըմջա բնակավայրում, Ադրբեջանը խախտել է շփման գիծը: Այս մասին հայտնում են ՌԴ ՊՆ-ից:
Ռուսական խաղաղապահ առաքելության հրամանատարությունը, համագործակցելով Ադրբեջանի և ԼՂ ներկայացուցիչների հետ, միջոցներ է ձեռնարկում միջադեպի կարգավորման ուղղությամբ:
ՌԴ ՊՆ-ն հայտնում է, որ ռուս խաղաղապահների անվտանգության ապահովման և հնարավոր միջադեպերի կանխման նպատակով ՀՀ ու Ադրբեջանի ԶՈւ գլխավոր շտաբների հետ անխախտ համագործակցությունը պահպանվում է:
ԹԱՐՄԱՑՈՒՄ. Ինչպես հայտնում են Արցախի տեղեկատվական շտաբից, ապրիլի 15-ին Մարտակերտի շրջանի Սեյսուլան բնակավայրի մոտակայքում Ադրբեջանի զինված ուժերը շփման գծի միջդիրքային տարածքի չեզոք գոտու հատվածում խախտում են կատարել: Արցախում ռուսական խաղաղապահ զորակազմի կողմից ձեռնարկված բանակցությունների արդյունքում ադրբեջանական զորքերը քիչ առաջ համաձայնվել են վերադառնալ ելման դիրքեր։
