Այս պահին Ստեփանակերտում է գտնվում 15 անձ, որոնք ունեն հենաշարժողական ու այլ խնդիրներ, այս մասին ասուլիսի ժամանակ հայտարարեց վարչապետի մամուլի խոսնակ Նազելի Բաղդասարյանը:
«Մեզ փոխանցել են, որ շտապօգնության մեքենաներ են մեկնել»,- ասաց նա:
Առողջապահության նախարար Անահիտ Ավանեսյանն էլ ասաց, թե շտապօգնության 13 մեքենա է ուղևորվել Հակարիի կամուրջ, անցել են Ստեփանակերտ:
«Պատրաստվում են բոլոր անձանց, ովքեր անկողնային հիվանդ են, ունեն հենաշարժողական խնդիրներ, տեղափոխել Հայաստան»,- ասաց նախարարը:
