2020 թվականի սեպտեմբերի 27-ին Ադրբեջանի կողմից Արցախի դեմ սկսված պատերազմական գործողությունների հետևանքով տեղահանված, ինչպես նաև տարբեր սոցիալական խմբերի պատկանող ընտանիքներին բնակարաններով ապահովելը դասվել է Արցախի Հանրապետության կառավարության առաջնահերթությունների շարքը:
«Արցախպրես»֊ի փոխանցմամբ՝ Ռազմական գործողությունների դադարից հետո սկսվել են ու մի շարք շինհրապարակներում շարունակվել են բնակելի շենքերի ու առանձնատների շինարարական աշխատանքները, իսկ արդեն 2021 թվականը նշանավորվել է բնակարանաշինական նոր ծրագրերի մեկնարկով: Մեկ տարի անց ԱՀ քաղաքաշինության նախարարությունում ներկայացնում են տպավորիչ թվեր:
Քաղաքաշինության նախարարի տեղակալ Արամ Գասպարյանը հայտնել է, որ 300 տան և բնակարանի շինարարական աշխատանքներ արդեն ավարտել են ու հանձնվել շահագործման: Ազատ բնակֆոնդից վերանորոգվել է 471 տուն, 174-ն ընթացքի մեջ է: