Անկարայում հանդիպել են Ռուսաստանի արտաքին գործերի նախարարի տեղակալ Միխայիլ Գալուզինը և Թուրքիայի արտաքին գործերի նախարարի տեղակալ Բուրաք Աքչափարը:
Այս մասին հաղորդագրություն է տարածել ՌԴ ԱԳՆ-ն՝ նշելով, որ հանդիպմանը քննարկվել է ուկրաինական ճգնաժամը, հայ-ադրբեջանական հարաբերությունների կարգավորումը և այլ հարցեր:
«Կողմերը համադրել են իրենց տեսակետները Հարավային Կովկասում տիրող իրավիճակի վերաբերյալ՝ շեշտելով հայ-ադրբեջանական կապերի կարգավորման գործընթացի կարևորությունը և դրան աջակցելը առաջին հերթին տարածաշրջանային ձևաչափերի շրջանակում»,- ասված է հաղորդագրության մեջ:
Անդրադարձ է եղել նաև երկկողմ օրակարգին: