Ղազախստանի արտաքին գործերի նախարար Մուխթար Թլեուբերդին ասել է, որ Ուկրաինայում ստեղծված իրավիճակի պատճառով Ռուսաստանի դեմ սահմանված արևմտյան պատժամիջոցներն ազդում են Եվրասիական տնտեսական միության բոլոր անդամների (Հայաստան, Բելառուս, Ղազախստան, Ղրղզստան, Ռուսաստան) տնտեսության վրա։ Այս մասին հայտնում է «РИА Новости»-ն։
Նրա խոսքերով՝ պատժամիջոցների սահմանելու պատճառով թե՛ ռուբլին, թե՛ ղազախական տենգեն սկսել են նվազել դոլարի ու եվրոյի նկատմամբ։
«Բացի դրանից՝ այն խնդիրների մեծ փաթեթ է, որը կբացվի ապրանքների տարանցման, առևտրի հետ կապված, սա այժմ ամենամեծ մտահոգությունն է»,- ասել է Թլեուբերդին Ժնևում ՄԱԿ-ի Մարդու իրավունքների խորհրդի նիստի շրջանակներում: