«Հայաստան» համահայկական հիմնադրամը շարունակում է աջակցել մշակութային ծրագրերի իրականացմանը, այս անգամ՝ ֆիլմարտադրության ոլորտում:
Այս տարի «Մեկ կադր» 19-րդ կարճամետրաժ ֆիլմերի միջազգային փառատոնին հայտագրվել են 400-ից ավել ռեժիսորներ ողջ աշխարհից: Ներկայացվել է 72 ֆիլմ, որոնցից 28-ը՝ հայկական արտադրության:
«Լավագույն հայկական մեկ կադր մեկ րոպե», «Լավագույն հայկական կարճ ֆիլմ» և «Լավագույն հայկական կինո առանց սահմանի» անվանակարգերի մրցանակային ֆոնդերը հովանավորել է «Հայաստան» համահայկական հիմնադրամը ՝ խրախուսելով երիտասարդ կինեմատոգրաֆիստներին ստեղծագործել և նպաստել հայկական մշակույթի հանրահռչակմանը:
