ԵԱՏՄ-ի և Իրանի միջև համապարփակ գործընկերության մասին համաձայնագիր է պատրաստվում․ փաստաթուղթը նախատեսվում է ստորագրել դեկտեմբերի 25-ին՝ Սանկտ Պետերբուրգում կայանալիք ԵԱՏՄ գագաթնաժողովում․ ասել է ՌԴ նախագահի միջազգային հարցերով օգնական Յուրի Ուշակովը։

«Նման փաստաթուղթ պատրաստվում է, և կարող եմ նախօրոք ասել, որ այն կստորագրվի: Դա շատ մեծ նշանակություն ունի Իրանի և ԵԱՏՄ երկրների միջև հետագա տնտեսական (և ոչ միայն տնտեսական) կապերի զարգացման համատեքստում»,- ասել է նա։