ՀՀ վարչապետ Նիկոլ Փաշինյանի հետ հանդիպում են ունեցել ժամկետային զինծառայողների ծնողները: Նրանք պահանջում են անվտանգության երաշխիքներ: Ծնողների մի մասը դեմ է, որ տղաները ծառայությունը շարունակեն Արցախում:
Հանդիպմանը մասնակցած ժամկետային զինծառայողների ծնողներից մեկը լրագրողների հետ զրույցում ասաց, որ վարչապետը իրենց ընդառաջել է, լսել իրենց բարձրացրած խնդիրները:
«Եկանք համաձայնության վարչապետի հետ՝ ևս մեկ անգամ հանդիպելու մոտ ժամանակներս»,- ասաց ծնողը՝ նշելով, որ իրենց բարձրաձայնած հարցերի լուծման մասին հիմա դեռ վաղ է խոսել:
«Մենք խոսել ենք ընդհանուր խնդիրներից»,- հավելեց նա:
Հիշեցնենք՝ տևական ժամանակ է՝ ծնողները պարբերաբար ակցիաներ են իրականացնում, հանդիպում տարբեր պաշտոնյաների հետ և պահանջում, որ իրենց զինվորները վերադառնան Հայաստան:
