ԱՄՆ-ը Հայաստանին և Արցախին մոտ 47 միլիոն դոլարի օգնություն կհատկացնի, ասված է Ամերիկայի Հայ դատի հանձնախմբի տարածած հաղորդագրության մեջ:

Հաղորդագրության մեջ նշվում է, որ ԱՄՆ Ներկայացուցիչների պալատը և Սենատը 2022 ֆինանսական տարվա շրջանակում համաձայնել են 45 միլիոն դոլար օգնություն հատկացնել Հայաստանին և 2 միլիոն դոլար՝ Արցախին՝ ականազերծման համար:

Հատկացումների ընդհանուր միջոցառումը նաև պահանջում է զեկույց, որը կգնահատի հարավկովկասյան որևէ երկրի կողմից Արցախի դեմ նոր հարձակումների հնարավորությունը և լրացուցիչ վերահսկողություն, թե ինչպես են օգտագործվում Հայաստանին և Ադրբեջանին տրամադրվող միջոցները: