Ընդդիմությունը քիչ առաջ մեկնարկած հանրահավաքում հրապարակեց կազմակերպական կոմիտեի կազմը՝ Հայկ Մամիջանյան, Անդրանիկ Թևանյան, Ավետիք Չալաբյան, Վազգեն Մանուկյան, Իշխան Սաղաթելյան: Վաղը ցուցարարները փորձելու են շրջափակել Կառավարության շենքը, որպեսզի խափանեն գործադիրի նիստը:
«Մենք 5 հոգով կազմեցինք «Ազգային կոմիտե», որի կազմում է Հայկ Մամիջանյանը, Ավետիք Չալաբյանը, Անդրանիկ Թևանյան, Իշխան Սաղաթելյան և ես: Մենք պետք է հարցի լուծում տանք հնարավորինս լեգիտիմ կերպով և մեզ համար մեծ նշանակություն ունեն այն գործընկերները, որոնք գտնվում են ԱԺ-ում, բայց հնարավորինս շուտ պետք է սկսել անհնազանդության ակցիաները: Վաղը՝ 11:00-ին այստեղ կայանալու է Կառավարության նիստ, բայց մենք ժամը 10:00-ին շրջափակելու ենք Կառավարության շենքը»,- ասաց Վազգեն Մանուկյանը:
Վաղը առավոտյան 7:30-ից սկսած հնարավոր բոլոր խմբերով Երևանի տարբեր հատվածներում, բոլորս մեր մոտական խաչմերուկները և փողոցները փակում ենք, որպեսզի քաղաքում տեղաշարժը պարալիզացվի:
Այս մասին այսօր Հանրապետության հրապարակում հանարահավաքի ժամանակ ասել է «Միացյալ Հայաստան» դաշինքի ղեկավար Անդրանիկ Թևանյանը:
«Թույլ է տրվում միայն Շտապօգնության մեքնաների, հրշեջների և խիստ ծանր վիճակում գտնվող մարդկանց տեղաշարժը: Հաջորդ խաղի կանոնը՝ որևէ կերպ ոստիկանության հետ բախման չենք գնում»,- ասել է նա:
Անդրանիկ Թևանյանն իր ելույթի վերջում հանրահավաքի մասնակիցներին ուղղորդեց դեպի Երևանի մի շարք հատվածներ, մասնավորապես՝ Ամիրյան, Մաշտոց, Սարյան, Նալբանդյան, Սայաթ-Նովա փողոցներ:
Նա բոլորին հորդորում է միացնել ուղիղ եթեր և մարդկանց կանչել հանրահավաքին:
Ցուցարարներն այսօր ավելի վաղ փակել էին Երևանի Մաշտոց-Ամիրյան փողոցների խաչմերուկը: Նրանք Հայաստանի կառավարությունից մարդասիրական միջանցք են պահանջում՝ արցախցիների ելքը Լեռնային Ղարաբաղից ապահովելու համար։