ՀՀ վարչապետ Նիկոլ Փաշինյանի առցանց ասուլիսի ժամանակ այն դիտարկմանը, թե ժողովրդի զգալի հատվածը Նիկոլ Փաշինյանին մեղադրում է միայն մեկ բանի համար՝ որ Հայաստանը թալանած, հայաթափած ու բազմաթիվ սպանություններ կատարած Ռոբերտ Քոչարյանն ու Սերժ Սարգսյանը ազատության մեջ են, վարչապետը պատասխանեց.
«Որևէ մեկի ազատության մեջ գտնվել-չգտնվելը, կարծում եմ, որ քաղաքական որոշմամբ չպետք է լինի, այլ իրավական ընթացակարգերով լինի, եթե հարցը նրանում է, որ մենք կարող էինք արագ գալ այդ հարցը լուծել, բայց մենք այն ժամանակ պրոլետարական հեղափոխություն չենք արել։ Մենք անընդհատ փորձել ենք լինել մեր հռչակած արժեքների շրջանակներում՝ օրինականություն, անկախ դատական համակարգ։ Մենք փայ մտնող լինեինք, այսօր իրենց բոլոր փայերը կլիներ մերը, բայց մենք չենք գնացել այդ ճանապարհով և գիտենք, որ հանրային ընկալման մեջ որոշակի շրջանակում վատ վերաբերմունք կա, բայց դրա արդյունքում ի՞նչ պետք է լիներ: Երկրում պետք է արդարադատություն լինի։ Ես համաձայն եմ, որ մենք չունենք այն դատական համակարգը, որ գնանք հանգիստ պառկենք քնենք»,– ասաց նա։
